ലോകത്തെ മാറ്റിമറിച്ച 10 ദുരന്തങ്ങൾ

1. ഹെയ്തി ഭൂമികുലുക്കം (2010) : 7.0 സ്കെയിൽ ഭൂചലനം, 220,000 ൽ അധികം ആളുകൾ കൊല്ലപ്പെട്ടു, ഭൂകമ്പം അന്താരാഷ്ട്ര സഹായങ്ങളിലെ പിഴവുകളും വെളിപ്പെടുത്തി. മെഡിക്കൽ ടീമുകളെ നിശ്ചയിക്കാനും അവയുടെ അംഗീകാരത്തിനുമായി ലോകാരോഗ്യ സംഘടന പുതിയ നടപടിക്രമങ്ങൾ വികസിപ്പിച്ചു.

2. തഹോകു ഭൂചലനം, സുനാമി, ഫുകുഷിമ ഡൈചി ന്യൂക്ലിയർ ദുരന്തം (2011): 9.0 സ്കെയിൽ ഭൂചലനം, 20,000 പേർ കൊല്ലപ്പെട്ടു, 1986 ലെ ചെർണോബിൽ ദുരന്തത്തെ പോലെ ഫുകുഷിമ ഡൈചി വൈദ്യുത നിലയത്തിൽ നിന്ന് വലിയ തോതിൽ റേഡിയോ ആക്ടീവ് വസ്തുക്കൾ ചോർന്നു.

3. സാൻഡി ചുഴലിക്കാറ്റ് (2012) : യുണൈറ്റഡ് സ്റ്റേറ്റ്സിൽ മാത്രം നൂറിലധികം ആളുകൾ മരിച്ചു, അന്ന് വരെ സുരക്ഷിതരെന്ന് കരുതി ജീവിച്ചിരുന്ന അമേരിക്കൻ ജനതയുടെ കണ്ണ് തുറപ്പിച്ച പ്രകൃതി ദുരന്തം ആയിരുന്നു ഇത്.  

4. ഹയാൻ ടൈഫൂൺ (2013) : മണിക്കൂറിൽ 200 മൈൽ വേഗതയിൽ വന്ന ഈ കാറ്റഗറി 5 “സൂപ്പർ ടൈഫൂൺ” ഫിലിപ്പീൻസിനെ തകർത്തു. കൊടുങ്കാറ്റിൽ ഏകദേശം 7,000 പേർ കൊല്ലപ്പെടുകയും 4 ദശലക്ഷത്തിലധികം പേർക്ക് വീട് നഷ്ടപ്പെടുകയും ചെയ്തു. 

5. വെസ്റ്റ് ആഫ്രിക്കയിലെ ഇബോള വ്യാപനം (2014-2016) : രോഗം ഗ്വിനിയയിൽ നിന്ന് തുടങ്ങി സിയറ ലിയോണിലേക്കും ലൈബീരിയയിലേക്കും വ്യാപിച്ചു. രണ്ടുവർഷത്തിനിടെ ഇബോള രോഗം മൂലം 11,000 ത്തിലധികം ആളുകൾ മരിച്ചു. അമേരിക്കയിലും യൂറോപ്പിലും എബോള കേസുകൾ റിപ്പോർട്ട് ചെയ്തു.

6. നേപ്പാൾ ഭൂചലനം (2015) : 7.8 സ്കെയിൽ ഭൂചലനം, 9000 പേർ കൊല്ലപ്പെട്ടു. ഭൂകമ്പം രാജ്യത്തിന്റെ പല ഭാഗങ്ങളിലും വീടുകൾ നശിപ്പിക്കുകയും തലസ്ഥാനമായ കാഠ്മണ്ഡുവിലെ ഉയരമുള്ള കെട്ടിടങ്ങൾ തകർക്കുകയും ചെയ്തു.

7. ഹാർവി ചുഴലിക്കാറ്റ് (2017) : മണിക്കൂറിൽ 130 മൈൽ വേഗത കൈവരിച്ച കാറ്റഗറി 4 കൊടുങ്കാറ്റായിരുന്നു ഹാർവി. 88 പേര് അന്ന് മരിച്ചു, ആ ദുരന്തം ഒരു സത്യം വെളിപ്പെടുത്തി: വെള്ളപൊക്കമാണ്, കാറ്റല്ല, ഒരു ചുഴലിക്കാറ്റിന്റെ ഏറ്റവും അപകടകരമായ ഭാഗം. ഹാർവി തെക്കൻ തീരത്തേക്ക് ട്രില്യൺ കണക്കിന് ഗാലൻ മഴയാണ് കൊണ്ടുവന്നത്.  

8. മരിയ ചുഴലിക്കാറ്റ് ( 2017) : വിനാശകരമായ കൊടുങ്കാറ്റ് ആദ്യം ഡൊമിനിക്കയിലും (കാറ്റഗറി 5 ചുഴലിക്കാറ്റായി), തുടർന്ന് പ്യൂർട്ടോ റിക്കോയിലും (ഒരു കാറ്റഗറി 4 ആയി) വീശിയപ്പോൾ, ഇരു രാജ്യങ്ങളും ഇരുട്ടിലായി- പ്യൂർട്ടോ റിക്കോയിലെ ചില സ്ഥലങ്ങളിൽ ഒരു വർഷം വരെ കറൻറ്റ് ഇല്ലായിരുന്നു.

9. ഇടായ് സൈക്ലോൺ (2019) : കാറ്റഗറി 3 കൊടുങ്കാറ്റ് ദക്ഷിണാഫ്രിക്കയെ തകർത്തു, മൊസാംബിക്ക്, സിംബാബ്‌വെ, മലാവി എന്നിവിടങ്ങളിൽ നാശം വിതച്ചു. 1,300 പേർ കൊല്ലപ്പെട്ടു; കാർഷിക ഭൂമി ഉപ്പുവെള്ളത്തിൽ നിറഞ്ഞു.

10. 2020 ലെ കാട്ടുതീകൾ : ഓസ്‌ട്രേലിയയിലെ കാട്ടുതീ 3 ബില്യൺ ജീവികളുടെ ആവാസവ്യവസ്ഥയെ ബാധിച്ചു. ഉക്രൈനിലെ ചെർണോബിൽ പ്രദേശത്തും അമേരിക്കയിലെ കാലിഫോർണിയയിലെ വ്യാപകമായി കാട്ടുതീ പടർന്നു. ഇന്ത്യയിലെ ഉത്തരാഖണ്ഡിലും കാട്ടുതീ പടർന്നിരുന്നു.