'മുഖത്ത് കുരുക്കള്‍, വലിയ മൂക്ക്; പ്രശസ്ത നടി വരെ എനിക്ക് നായികയാകാനുളള ലുക്കില്ലെന്ന് പറഞ്ഞു'; ലാലേട്ടന്റെ വാക്കുകള്‍ ആത്മവിശ്വാസമായെന്ന് സ്വാസിക
സുന്ദരന്‍മാരോ ആയിരിക്കണമെന്നില്ല, മറിച്ച് ചെയ്യുന്ന കഥാപാത്രങ്ങളിലൂടെ ആളുകള്‍ക്ക് നമ്മോട് ഇഷ്ടം തോന്നുന്നതാണ് പ്രധാനം എന്ന ലാലേട്ടന്റെ വാക്കുകളും ആത്മവിശ്വാസം നല്‍കി.
സിനിമയില്‍ തുടക്കകാലത്ത് നായികയാകാനുളള ലൂക്ക് ഇല്ലെന്ന ഏറെ വിമര്‍ശനങ്ങള്‍ കേട്ടിരുന്നുവെന്ന് സംസ്ഥാന സര്‍ക്കാരിന്റെ മികച്ച സ്വഭാവ നടിക്കുളള പുരസ്‌കാരം ലഭിച്ച സ്വാസിക വിജയകുമാര്‍. റഹ്മാന്‍ ബ്രദേഴ്‌സിന്റെ വാസന്തി എന്ന ചിത്രത്തിലെ ടൈറ്റില്‍ റോളിലെ അഭിനയത്തിനാണ് സ്വാസികയെ പുരസ്‌കാരം തേടിയെത്തിയത്. തുടക്കത്തില്‍ ഒരു മികച്ച കഥാപാത്രം പോലും ലഭിച്ചില്ല. രണ്ടുവര്‍ഷം മുമ്പാണ് അഭിനയ സാധ്യതകളുളള കഥാപാത്രങ്ങള്‍ ലഭിച്ചുതുടങ്ങിയതെന്നും സ്വാസിക പറയുന്നു. മാതൃഭൂമി പത്രത്തിന് നല്‍കിയ അഭിമുഖത്തിലാണ് സ്വാസികയുടെ വാക്കുകള്‍.
അംഗീകാരം കിട്ടാന്‍ വൈകിയെന്ന് കരുതുന്നില്ല. മികച്ച കഥാപാത്രങ്ങള്‍ കിട്ടാനാണ് വൈകിയത്. നല്ല കഥാപാത്രങ്ങള്‍ ചെയ്ത് തെളിയിച്ചാലല്ലേ അംഗീകാരം പ്രതീക്ഷിക്കുന്നതില്‍ അര്‍ത്ഥമുളളൂ. പത്തിലേറെ വര്‍ഷമായി അഭിനയിക്കാന്‍ എത്തിയിട്ടും രണ്ട് വര്‍ഷം മുമ്പാണ് അഭിനയ സാധ്യതകളുളള കഥാപാത്രങ്ങള്‍ ലഭിച്ച് തുടങ്ങിയത്.
എന്റെ മുഖം നിറയെ കുരുക്കളാണ്. വലിയ മൂക്കാണ്. ഒരു നായികയ്ക്ക് വേണ്ട ലുക്ക് ഇല്ലെന്നൊക്കെ പലരും പറഞ്ഞു. ഒരു പ്രശസ്ത നടിയും എന്നെപ്പറ്റി അങ്ങനെ പറഞ്ഞപ്പോള്‍ ശരിക്കും തകര്‍ന്നുപോയി. എന്നാല്‍ സൗന്ദര്യം മാത്രമല്ല അഭിനയത്തിന്റെ അളവുകോല്‍ എന്ന സത്യം എനിക്ക് ആത്മവിശ്വാസം തന്നു. നമ്മള്‍ സുന്ദരികളോ, സുന്ദരന്‍മാരോ ആയിരിക്കണമെന്നില്ല, മറിച്ച് ചെയ്യുന്ന കഥാപാത്രങ്ങളിലൂടെ ആളുകള്‍ക്ക് നമ്മോട് ഇഷ്ടം തോന്നുന്നതാണ് പ്രധാനം എന്ന ലാലേട്ടന്റെ വാക്കുകളും എനിക്ക് ആത്മവിശ്വാസം നല്‍കി.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
Related Stories
നോമിനേഷൻ ലിസ്റ്റിൽ ഇല്ല; അമ്പരന്ന് രജിത് കുമാർ
Video: 'എന്ത് പറ്റി ആ മോഹൻലാലിന്?' ചാനലുകളിൽ അവാർഡ് വാങ്ങുന്ന സൂപ്പർതാരങ്ങളെ കാണുമ്പോൾ ചിരിവരാറുണ്ടെന്ന് ഭദ്രൻ
രാച്ചിയമ്മ ഇങ്ങനെയല്ല; കറുത്തമ്മയെ വെളുത്തമ്മയാക്കുകയാണ് മലയാള സിനിമയെന്ന് ദീപ നിഷാന്ത്
'അതൊരു ആങ്ങളയുടെയും പെങ്ങളുടെയും ചിത്രമാണെന്നെങ്കിലും ഓർക്കണം';അവഹേളനങ്ങൾക്ക് മറുപടിയുമായി അനുശ്രീ