അക്ഷയ് കുമാറിന്റെ ‘രാം സേതു’വിന് ചിത്രീകരണ അനുമതി നൽകി യോഗി ആദിത്യനാഥ്

നടൻ അക്ഷയ് കുമാർ നായകനായി എത്തുന്ന സിനിമയാണ്  ‘രാം സേതു’.  സിനിമയുടെ നിർമ്മാതാവ് കൂടിയായ  അക്ഷയ് കുമാർ ഉത്തർപ്രദേശ് മുഖ്യമന്ത്രി  യോഗി ആദിത്യനാഥിനെ നേരിൽകണ്ട്   ഉത്തർ പ്രദേശിൽ വച്ച് സിനിമ ചിത്രീകരിക്കാനുള്ള  അനുമതി തേടിയിരുന്നു.

രാമ ക്ഷേത്രത്തിന്റെ നിർമ്മാണം നടന്നുകൊണ്ടിരിക്കുന്ന അയോദ്ധ്യയിലും  സംസ്ഥാനത്തെ മറ്റു പല  സ്ഥലങ്ങളിലും ' രാം സേതു'  ചിത്രീകരിക്കാൻ അക്ഷയ് അനുമതി തേടിയാതായി മുംബൈ മിറർ റിപ്പോർട്ട് ചെയ്തിരുന്നു.

ദീപാവലി ദിനത്തിലാണ്   'രാം സേതു' ഫസ്റ്റ് ലുക്ക് പോസ്റ്റർ അക്ഷയ് കുമാർ പങ്കുവെച്ചിരുന്നത്. രാംസേതു എന്ന് പേരിട്ടിരിക്കുന്ന ചിത്രം, ശ്രീരാമൻ നിർമിച്ചു എന്ന് വിശ്വസിക്കപ്പെടുന്ന രാമസേതു എന്ന പാലവുമായി ബന്ധപ്പെട്ടതാണെന്ന തരത്തിലുള്ള  പോസ്റ്ററാണ് ചിത്രത്തിന്റേത്.