റാമിറസിനെ പോലെ ഇത്തവണത്തെ ഏറ്റവും മികച്ച ക്രിസ്മസ് സമ്മാനമായി കൊവിഡ് വാക്‌സിനെ കാണുന്ന എത്രയോ ലക്ഷം പേരുണ്ട് ലോകത്ത്. മെക്‌സിക്കോയില്‍ വാക്‌സിനേഷന്‍ തുടങ്ങിയതിലൂടെ ലാറ്റിനമേരിക്കയില്‍ ആകെ വാക്‌സിനേഷന്‍ പ്രവര്‍ത്തനങ്ങള്‍ക്ക് തുടക്കമിടുക കൂടിയായി.
മെക്‌സിക്കോയില്‍ 1,20,000 പേര്‍ കൊവിഡ് സ്ഥിരീകരിച്ച് ഇതുവരെ മരിച്ചു. അതുകൊണ്ടുതന്നെ വാക്‌സിനേഷന്‍ അവര്‍ക്ക് ജീവിതത്തിലെ പുതിയ പ്രതീക്ഷയാണ്. ക്രിസ്മസ് തലേന്ന് മെക്‌സിക്കോ വാക്‌സിനേഷനിലേക്ക് കടന്നതോടെ ഇതുവരെയുണ്ടായ നിരാശമാറ്റി പുതിയ പുലരിയിലേക്ക് നോക്കുകയാണ് മെക്‌സിക്കോ. 3000 ഡോസ് വാക്‌സിന്‍ മാത്രമേ ആദ്യഘട്ടത്തില്‍ എത്തിയുള്ളൂ. രണ്ടാം ഘട്ടത്തില്‍ 5000 ഡോസും ജനവരി 31 ഓടെ 1.40 ലക്ഷം ഡോസും ഫൈസര്‍ വാക്‌സിന്‍ എത്തുമെന്നാണ് മെക്‌സിക്കോയുടെ പ്രതീക്ഷ.
കോസ്റ്റാറിക്ക അവരുടെ വാക്‌സിനേഷന്‍ തുടങ്ങിയത് തലസ്ഥാനമായ സാന്ഡ ജോസില്‍ മുതിര്‍ന്ന പൗരന്മാരായ ദമ്പതികള്‍ക്ക് നല്‍കിയാണ്. എന്റെ ആഗ്രഹം എല്ലാവര്‍ക്കും വാക്‌സിന്‍ ലഭ്യമാവുക എന്നതാണെന്ന് ആദ്യ വാക്‌സിന്‍ സ്വീകരിച്ച മുന്‍ കോളെജ് അധ്യാപകന്‍ ജോര്‍ജ് ഡി ഫോര്‍ഡ് പറഞ്ഞു. റഷ്യയുടെ സ്പുട്‌നിക് വാക്‌സിന്‍ മൂന്ന് ലക്ഷം ഡോസ് അര്‍ജന്റീനയില്‍ എത്തിക്കഴിഞ്ഞു.
കൊവിഡ് വ്യാപന പശ്ചാത്തലത്തില്‍ പരിമിതമായ രീതിയില്‍ മാത്രമേയുള്ളൂ ലോകമെങ്ങും ക്രിസ്മസ് ആഘോഷങ്ങള്‍. പുറത്താക്കപ്പെട്ടവരെല്ലാം ദൈവത്തിന്റെ മക്കളാണ് എന്ന സന്ദേശമാണ് പോപ്പ് ഫ്രാന്‍സിസ് ഇത്തവണ നല്‍കിയത്. യേശുവിന്റെ ജനനം അങ്ങനെയായിരുന്നു എന്ന് ഓര്‍മിപ്പിച്ചാണ് പോപ്പ് പുറന്തള്ളപ്പെട്ടവര്‍ക്കായി മനസ്സ് പാകപ്പെടുത്താന്‍ വിശ്വാസികളോട് ആഹ്വാനം ചെയ്തത്. ആഘോഷങ്ങള്‍ ഒഴിവാക്കിയായിരുന്നു വത്തിക്കാനിലെയും ക്രിസ്മസ്. സെന്റ് പീറ്റേഴ്‌സ് ബസലിക്കയില്‍ 10000ലേറെ പേര്‍ പങ്കെടുക്കുന്ന ക്രിമസ് തലേന്നത്തെ ചടങ്ങില്‍ ഇത്തവണ സാന്നിധ്യമുണ്ടായത് 100ല്‍ താഴെപേര്‍ മാത്രം.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!