25 ആം പിറന്നാൾ ആഘോഷിച്ച് ‘ബൊമ്മി‘യുടെ ബേക്കറി; ചിത്രവുമായി ക്യാപ്റ്റന്‍ ഗോപിനാഥ്

ബൊമ്മിയിലേക്ക്  ബൺ വേൾഡിൽ നിന്നും  25 വർഷത്തെ ദൂരമുണ്ട്. ആ ദൂരത്തെ ഓർമ്മിപ്പിക്കുന്ന ചിത്രവുമായി എത്തിയിരിക്കുകയാണ്   ക്യാപ്റ്റൻ ഗോപിനാഥ്.  ബൊമ്മി ബേക്കറി എന്നത്  സുരറൈ പോട്രു എന്ന സിനിമയിലെ ബേക്കറിയാണ്. ഈ സിനിമയ്ക്ക് പ്രോചനദമായത്  എയര്‍ ഡെക്കാണ്‍ സ്ഥാപകനും ഇന്ത്യൻ ആര്‍മിയിലെ മുൻ ക്യാപ്റ്റനുമായിരുന്ന  ജി ആര്‍ ഗോപിനാഥന്റെ  ജീവിതകഥയാണ്. ആ കഥയിലെ പ്രധാനപ്പെട്ട ഒന്നാണ് ബൺവേൾഡ് എന്ന ബേക്കറി.    

 ഈ സിനിമയിൽ സുന്ദരി ബൊമ്മി നെടുമാരൻ എന്ന നായികയെ അവതരിപ്പിച്ചത് അപർണ ബാലമുരളിയാണ്.  സൂര്യ അവതരിപ്പിച്ച മാരൻ എന്ന കഥാപാത്രത്തിന്റെ ഭാര്യയും 'ബൊമ്മി' ബേക്കറിയുടെ ഉടമയുമായാണ് അപർണയുടെ കഥാപാത്രം.

ക്യാപ്റ്റന്‍ ഗോപിനാഥന്‍റെ  ഭാര്യ ഭാര്‍ഗവി ഗോപിനാഥിനും ചിത്രത്തിലേത് പോലെ ഒരു ബേക്കറിയുണ്ട്. ബൺവേൾഡ് എന്നാണ് ആ  ബേക്കറിയുടെ പേര്. ഈ  ബേക്കറിക്ക്  25 വയസ്സ് തികഞ്ഞിരിക്കുകയാണ്. ഈ വിവരം  ക്യാപ്റ്റന്‍ ഗോപിനാധാണ് അറിയിച്ചിരിക്കുന്നത്. സമൂഹ മാധ്യമങ്ങളിലൂടെയാണ്  അദ്ദേഹം ഈ വിവരം പങ്കുവെച്ചിരിക്കുന്നത്. സ്വപ്നം പാതിവഴിയില്‍ ഉപേക്ഷിക്കാതെ സാക്ഷാത്കരിച്ച തന്‍റെ ജീവിതപങ്കാളിയെ അഭിനന്ദിക്കുകയാണ് ഗോപിനാഥ് തന്റെ ട്വീറ്റിലൂടെ.കൊവിഡ് പ്രതിസന്ധിയുടെ സാഹചര്യത്തിൽ ആമസോൺ പ്രൈമിലൂടെയാണ് സുരറൈപോട്രു റിലീസ് ചെയ്തത്.