എല്ലാവർക്കും ഒരു സ്വപ്നമുണ്ട്

സ്വപ്നത്തിന് പ്രായമോ ദേശമോ ഇല്ല

വലിയവനെന്നോ ചെറിയവനെന്നോ ഇല്ല

പണക്കാരനെന്നോ പാവപ്പെട്ടവനെന്നോ ഇല്ല

സ്വപ്നത്തിനെന്ത് പണത്തിന്‍റെയും വേലിക്കെട്ടിന്‍റെയും അതിർവരമ്പ്!?

പല പല നിറങ്ങളാണ് ഓരോരുത്തരുടേയും സ്വപ്നങ്ങള്‍ക്ക്

ചിലരുറങ്ങുമ്പോള്‍ കാണാറില്ലേ മുഖത്തൊരു പുഞ്ചിരി വിടരുന്നത്..

കുഞ്ഞുങ്ങള്‍ ഉറക്കത്തിൽ ചെറുതായി ചിണുങ്ങുന്നത് കണ്ടിട്ടില്ലേ??

സ്വപ്നം കണ്ടിട്ടാണ്..

സ്വപ്നത്തിൽ നമ്മള്‍ എവിടെയാ എന്താണെന്നൊക്കെ നമുക്കും സ്വപ്നത്തിന് മാത്രേ അറിയൂ..

കണ്ണുകള്‍ അടക്കുമ്പോള്‍,

നാം ആ സുഖസുഷുപ്തിയില്‍ എല്ലാം മറന്നു

സ്നേഹത്തിനായും, സമ്പത്തിനായും, നല്ലൊരു ജീവിതത്തിനായും മോഹിച്ചു സ്വപ്നങ്ങള്‍ കാണുന്നു

സ്വപ്നങ്ങള്‍ നെയ്യുന്നു.