അഞ്ചടി അഞ്ചിഞ്ച്: കാൽപ്പന്തിൽ ലോകം കീഴടക്കിയ കുറിയ മനുഷ്യൻ | അപൂർവ ചിത്രങ്ങൾ കാണാം

ലോകമെങ്ങുമുളള ഫുട്ബോൾ പ്രേമികളുടെ ആരാധനാ പാത്രമായിരുന്നു അർജന്റീനയുടെ ഡീ​ഗോ അർമാന്റോ മറഡോണ എന്ന കുറിയ മനുഷ്യൻ. ക്ലബ് തലത്തിൽ മുതൽ അർജന്റീനയുടെ വേൾഡ് കപ്പ് നേട്ടം വരെയുളള മികച്ച പ്രകടനങ്ങളുണ്ട് മറഡോണയുടെ കരിയറിൽ. 1986 ലോകകപ്പിലെ ഇം​ഗ്ലണ്ടിനെതിരായ ക്വാർട്ടർ ഫൈനൽ മത്സരത്തിലെ ദൈവത്തിന്റെ കൈ എന്ന് വിശേഷിപ്പിക്കപ്പെടുന്ന ​ഗോൾ, അതേമത്സരത്തിൽ തന്നെ നേടിയ രണ്ടാം ​ഗോൾ നൂറ്റാണ്ടിലെ ഏറ്റവും മികച്ച ​ഗോളായി തിരഞ്ഞെടുക്കപ്പെടുകയും ചെയ്തു. അഞ്ച് ഇം​ഗ്ലീഷ് കളിക്കാരെയും ​ഗോളിയെയും വെട്ടിച്ച്, 11 ടച്ചുകളോടെ നേടിയ ആ ​ഗോൾ ഇന്നും ലോകമെങ്ങുമുളള ഫുട്ബോൾ ആരാധകർ ഓർത്തിരിക്കുന്നതാണ്. അർജന്റീനക്കായി 91 മത്സരം കളിച്ച അദ്ദേഹം 34 ​ഗോളുകൾ നേടി. 16ാം വയസിൽ അരങ്ങേറിയ മറഡോണ 17 വർഷത്തോളം രാജ്യത്തിനായി ബൂട്ടണിഞ്ഞു. അതോടൊപ്പം അർജന്റീന ജൂനിയേഴ്സ്, ബൊക്ക ജൂനിയേഴ്സ്, ബാഴ്സലോണ, നാപ്പോളി, സെവിയ്യ, ന്യൂവെൽസ് ഓൾഡ് ബോയ്സ്, ബൊക്ക ജൂനിയേഴ്സ് എന്നിങ്ങനെ നിരവധി ക്ലബ്ബുകളിലായി 588 മത്സരങ്ങൾ കളിക്കുകയും 312 ​ഗോളുകൾ നേടുകയും ചെയ്തു.