ബോക്സിങ് ഡേ ടെസ്റ്റിന്റെ പ്ലേയിങ് ഇലവൻ പ്രഖ്യാപിച്ചു; ഇത്തവണയും രാഹുൽ ഇല്ല

ബോക്സിങ് ഡേ ടെസ്റ്റിനിറങ്ങുന്ന ഇന്ത്യൻ ടീം തങ്ങളുടെ പ്ലേയിങ് ഇലവനെ അനൗൺസ് ചെയ്തു. മികച്ച ഫോമിലുള്ള കെ എൽ രാഹുലിനെ ഇത്തവണയും തഴഞ്ഞതാണ് ലിസ്റ്റിലെ കൗതുകം. ഇന്ത്യ – ഓസ്ട്രേലിയ പരമ്പരയിലെ 2–ാം ടെസ്റ്റ് മെൽബൺ ക്രിക്കറ്റ് ​ഗ്രൗണ്ടിലാണ് തുടക്കമാവുന്നത്. 

ക്യാപ്റ്റൻ വിരാട് കോഹ്ലിയുടെ അഭാവത്തിൽ രഹാനെയാണ് ടീമിനെ നയിക്കുന്നത്. പൃഥ്വി ഷായ്ക്കു പകരം ശുഭ്മാൻ ഗില്ലും വൃദ്ധിമാൻ സാഹയ്ക്കു പകരം ഋഷഭ് പന്തും ഷമിക്കു പകരം മുഹമ്മദ് സിറാജും കോഹ്ലിക്ക് പകരം ജഡേജയുമാണ് ടീമിലിടം പിടിച്ചത്. 

മൂന്നര ദിവസത്തിനുള്ളിലെ അഡ്‌ലെയ്ഡ് വിജയത്തോടെ ആത്മവിശ്വാസത്തോടെയാണ് ആസ്ട്രേലിയ മെൽബണിൽ ഇറങ്ങുന്നത്. ഒന്നാം ടെസ്റ്റിലെ ടീമിൽ മാറ്റമുണ്ടാകില്ലെന്നാണു പരിശീലകൻ ജസ്റ്റിൻ ലാംഗർ നൽകുന്ന സൂചന. പരുക്കു ഭേദമാകാത്തതിനാൽ ഡേവിഡ് വാർണർ ഈ ടെസ്റ്റിലും ഉണ്ടാവാനിടയില്ല.