ഐ സി സി വൃത്തങ്ങൾ പ്രകാരം വിവിധ നിറങ്ങളിൽ ഒന്ന് സെലക്ട് ചെയ്യാൻ ബി സി സി ഐയോട് ആവശ്യപ്പെട്ടപ്പോൾ ഇന്ത്യയുടെ ടി 20 ജഴ്സി കിറ്റിൽ ഓറഞ്ച് നിറം ഉൾപ്പെട്ടതിനാൽ ബി സി സി ഐ ഓറഞ്ച് നിറം തിരഞ്ഞെടുക്കുകയായിരുന്നു. ഐ സി സി നിർദേശമനുസരിച്ചാണ് ലോകകപ്പിൽ ഹോം, എവേ എന്നിങ്ങനെ ഫുട്ബോളിലേതു പോലെ വ്യത്യസ്ത ജഴ്സികൾ ഉപയോഗിക്കാനുള്ള തീരുമാനം നിർബന്ധമാക്കിയത്.
ഇതിനകം തന്നെ പുതിയ ജഴ്സിയെക്കുറിച്ചുള്ള ട്രോളുകളും സോഷ്യൽ മീഡിയയിൽ സജീവമായിക്കഴിഞ്ഞു, ഇതെന്തോന്നടേ ഹോർലിക്സ് കുപ്പിയോ? എന്നു ചോദിക്കുന്ന ട്രോളാണ് ഏറെ ഷെയർ ചെയ്യപ്പെടുന്നത്. പുതിയ ജഴ്സിയും ഹോർലിക്സിന്റെ കുപ്പിയുടെ ഡിസൈനും തമ്മിൽ നല്ല സാദൃശ്യമുണ്ട്.
ഇതിനൊപ്പം തന്നെ ജഴ്സിക്ക് പിറകിൽ ജയ് ശ്രീറാം എഴുതിയ ട്രോളുകളും വ്യാപകമാണ്. താരങ്ങളുടെ പേരിനൊപ്പം യോഗി ചേർത്തുള്ള ജഴ്സി നാമവും ഉണ്ട്. യോഗി ധോണി, യോഗി വിരാട് എന്നിങ്ങനെ.
ഇന്ത്യൻ ഓയിൽ പെട്രോൾ കമ്പനിയിലെ ജീവനക്കാരുടെ ഔദ്യോഗിക ഡ്രെസ് കോഡാണ് ഇന്ത്യൻ ടീം അനുകരിച്ചതെന്ന് ചിലർ ചിത്രം സഹിതം വ്യക്തമാക്കുന്നുണ്ട്. 
ജഴ്സിയിലെ പല പേരുകളിൽ ടീം ഇന്ത്യ എന്നതിനൊപ്പം ബാബാ രാംദേവിന്റെ പതഞ്ജലി ബ്രാൻഡിന്റെ പേരുള്ള ജഴ്സിയും ട്വിറ്ററിൽ തരംഗമാണ്.
