ഇന്ന് ഓരോ കളിക്കിടയിലും നോട്ട് ബുക്കിൽ കുത്തിക്കുറിക്കുന്ന മക്കുല്ലത്തിന്റെ അന്നത്തെ വെടിക്കെട്ട് സെഞ്ച്വറി പോലൊന്ന് അടിക്കൂ, ത്രിപാദീ, ഞാനാഘോഷിക്കാം!

ഈ ഐ പി എല്ലിലെ ഏറ്റവും രസകരമായ കാഴ്ചയാണ് കൊൽക്കത്തയുടെ കോച്ചും മുൻ ന്യൂസിലാൻഡ് വെടിക്കെട്ട് താരവുമായ ബ്രെണ്ടൻ മക്കുല്ലം കൊൽക്കത്തൻ ക്യാംപിൽ നിന്ന് ഓരോ ബാറ്റ്സ്മാൻ‍ സ്കോർ ചെയ്യുമ്പോഴും ഔട്ടാവുമ്പോഴുമല്ലാം എന്തൊക്കെയോ തന്റെ മുന്നിലെ നോട്ട് ബുക്കിൽ കുത്തിക്കുറിക്കുന്ന കാഴ്ച. എന്താണ് മക്കുല്ലം എഴുതിക്കൂട്ടുന്നതെന്ന ട്രോളുകളും സോഷ്യൽ മീഡിയയിൽ സജീവമാണ്. 

ബ്രെണ്ടൻ മക്കുല്ലം കുറിച്ച വീരോചിത ഇന്നിങ്സോടെയാണ് ഐ പി എൽ എന്ന ക്രിക്കറ്റ് മാമാങ്കത്തിന് 2008 ൽ തുടക്കമായത്. 73 പന്തുകളിൽ നിന്നും 158 റൺസാണ് മക്കുല്ലം അന്ന് കൊൽക്കത്തൻ ജഴ്സിയിലിറങ്ങി അടിച്ചെടുത്തത്. റോയൽ ചാലഞ്ചേഴ്സ് ബാം​ഗ്ലൂരിനെ തകർത്തുവിട്ട ആ ഇന്നിങ്സ് ഇന്നും ക്രിക്കറ്റ് പ്രേമികളുടെ മനസിലുണ്ട്. 10 ബൗണ്ടറികളും 13 സിക്സറുകളും ആ ഇന്നിങ്സിനു ചാരുതയേകി. 

ഇപ്പോൾ ആ ഇന്നിങ്സിനെക്കുറിച്ചും തനിക്ക് കൊൽക്കത്തയ്ക്കായി ഐ പി എല്ലിൽ കളിക്കാനുണ്ടായിരുന്ന തീവ്രാ​ഗ്ര​ഹത്തെക്കുറിച്ചും ടീമിന്റെ ഉടമയായ ഷാരൂഖ് ഖാനോട് തുറന്നു പറ‍ഞ്ഞ് രം​ഗത്തെത്തിയിരിക്കുകയാണ് കൊൽക്കത്തയുടെ ഓപണറായ രാഹുൽ ത്രിപാദി. 

കൊൽക്കത്തയ്ക്കായി ​ഗ്രൗണ്ടിലിറങ്ങാൻ കവിഞ്ഞതിൽ ഏറെ സന്തോഷമുണ്ട്. ഇതിനൊപ്പം എന്റെ കുട്ടിക്കാലത്തെ ഏറ്റവും നിറവാർന്ന ഓർമകളായിരുന്നു അന്ന് മക്കുല്ലം നേടിയ സെഞ്ച്വറിയും ​ഗാലറിയിലിരുന്ന താങ്കൾ ആവേശപൂർവം കൈയ്യടിക്കുന്നതുമല്ലാം. അത് വളരെ സ്പെഷ്യലായ ഓർമകളാണ്. രാഹുൽ ത്രിപാദി ഷാരൂഖ് ഖാനോട് പറഞ്ഞു. 

ഇതിന് മറുപടിയായി ഷാരൂഖിന്റെ മറുപടിയും രസകരമായിരുന്നു. നിങ്ങളും ഒരു 158 റൺസടിക്കൂ, ഞാൻ അതുപോലെ ​ഗാലറിയിൽ കൈകൾ വീശി ആഘോഷിക്കാം. പക്ഷേ, നിങ്ങൾ ഇതുവരെയും 158 എടുത്തിട്ടില്ലല്ലോ!

ടീമിന്റെ ഫാൻ ആന്തെം ലോഞ്ചിലായിരുന്നു രാഹുൽ ത്രിപാദിയും മറ്റ് ടീമം​ഗങ്ങളും ഷാരൂഖ് ഖാനുമായി സംവദിച്ചത്.