ഐഎസ്എൽ ഈ സീസണിൽ ഏറ്റവും കൂടുതൽ ഫൗൾ ചെയ്യുന്ന ടീം ആര് ?

ഇന്ത്യൻ സൂപ്പർ ലീഗിൽ 76 മത്സരങ്ങൾ പിന്നിടുമ്പോൾ പിറന്നത് 1,105 ഫൗളുകളാണ്. ഒരു മത്സരത്തിൽ ശരാശരി 15 ഫൗളുകൾ നടക്കുന്ന ലീഗിൽ ഏറ്റവും കൂടുതൽ ഫൗളുകൾ ചെയ്യുന്നത് ആരെന്ന് പരിശോധിക്കാം:

11:ഒഡിഷ എഫ്‌സി 

ലീഗിലെ പോയിന്റ് പട്ടികയിൽ എന്നപോലെ 121 ഫൗളുമായി ഫൗളുകളുടെ എണ്ണത്തിലും ഏറ്റവും പിന്നിലാണ് ഒഡിഷ എഫ്‌സി. 23 മഞ്ഞ കാർഡ് നേടിയ ഒഡീഷയുടെ ഒരു താരവും ഈ സീസണിൽ ചുവപ്പ് കാർഡ് കണ്ടിട്ടല്ല. 

10: ബെംഗളൂരു 

ഒമ്പത് ഫൗളുകളുമായി നായകൻ സുനിൽ ഛേത്രിയും എറിക് പാർത്താലുവുമാണ് ബെംഗളൂരു എഫ്‌സി വഴങ്ങിയ ഫൗളുകളുടെ എണ്ണത്തിൽ മുന്നിട്ട് നിൽക്കുന്നത്. 85 ഫൗളുകൾ മാത്രമാണ് ബെംഗളൂരു ഇതുവരെ വഴങ്ങിയത്.

9: മുംബൈ സിറ്റി 

പോയിന്റ് പട്ടികയിൽ ഒന്നാമതുള്ള മുംബൈയി സിറ്റി ഫൗളുകളുടെ എണ്ണത്തിൽ ഏറെ പിറകിലാണ്. 127 ഫൗളുകളാണ് ക്ലബ് ഇതുവരെ വഴങ്ങിയത്. എന്നാൽ രണ്ട് ചുവപ്പ് കാർഡും 28 മഞ്ഞ കാർഡുമായി ഫെയർ പ്ലേയിൽ ഏറെ പിറകിലാണ് മുംബൈ.

8:  ഈസ്റ്റ് ബംഗാൾ 

132 ഫൗളുകൾ വഴങ്ങിയ ഈസ്റ്റ് ബംഗാൾ കാർഡുകളുടെ എണ്ണത്തിൽ മുംബൈയുമായി കടുത്ത മത്സരത്തിലാണ്. മധ്യനിരതാരം യൂജിൻസൺ ലിങ്‌ദോയ്ക്ക് ഒരു മത്സരത്തിൽ ലഭിച്ച ഇരട്ട മഞ്ഞ കാർഡുകൾ അടക്കം 29 കാർഡുകളാണ് ഈസ്റ്റ് ബംഗാൾ നേടിയത്.

7: ചെന്നൈയിൻ എഫ്‌സി 

പത്ത് മത്സരം പിന്നിടുമ്പോൾ 139 ഫൗളുകളാണ് ചെന്നൈയിൻ വഴങ്ങിയത്. 20 മഞ്ഞ കാർഡുകൾ നേടിയ ചെന്നൈ ഇതുവരെയും ഒരു ചുവപ്പ് കാർഡ് നേടിയിട്ടില്ല. 

6: ഹൈദരാമബാദ്

കാർഡുകളുടെ എണ്ണത്തിൽ ഏറെ ദരിദ്രരായ നിസാമുകളാണ് നിലവിൽ ഫെയർ പ്ലേ പട്ടികയിൽ ഒന്നാമതുള്ളത്. വെറും 13 മഞ്ഞ കാർഡുകൾ മാത്രമേ ഇതുവരെ നേടിയിട്ടുള്ളൂ എങ്കിലും ഹൈദരബാദ്‌ എഫ്‌സി വഴങ്ങിയത് 140 ഫൗളുകളാണ്.

5: എഫ്‌സി ഗോവ

ഒരു ചുവപ്പ് കാർഡ് കണ്ടിട്ടുള്ള എഫ്‌സി ഗോവ മഞ്ഞ കാർഡുകളുടെ എണ്ണത്തിൽ ഹൈദരാബാദിനൊപ്പമാണ്. എന്നാൽ 143 ഫൗളുകളുമായി ഫൗളുകളുടെ എന്നതിൽ അഞ്ചാമരാണ് ഗോവ.

4: എടികെ മോഹൻ ബഗാൻ 

ചുവപ്പ് കാർഡ് ഒന്നും കണ്ടിട്ടില്ലെങ്കിലും 144 ഫൗളുകളാണ് കൊൽക്കത്ത ക്ലബ് ഇതുവരെ വഴങ്ങിയത്. അതേസമയം 13 മഞ്ഞ കാർഡ് മാത്രം നേടിക്കൊണ്ട് കാർഡുകളുടെ എണ്ണത്തിൽ ഒമ്പതാമതാണ് എടികെ മോഹൻ ബഗാനുള്ളത്.

3: ജാംഷെഡ്പൂർ എഫ്‌സി 

മൂന്ന് ചുവപ്പ് കാർഡുമായി ലീഗിൽ തന്നെ ഒന്നാമതാണ് ജംഷഡ്പൂർ. 19 മഞ്ഞ കാർഡ് മാത്രം നേടിയ ജാംഷെഡ്പൂർ ഇതുവരെ പൂർത്തിയാക്കിയത് 152 ഫൗളുകളാണ്.

2: കേരളാ ബ്ലാസ്റ്റേഴ്‌സ് 

10 മത്സരം പിന്നിടുമ്പോൾ പോയിന്റ് പട്ടികയിൽ പുറകിൽ നിന്ന് രണ്ടാമതുള്ള ബ്ലാസ്റ്റേഴ്‌സ് ആണ് ലീഗിൽ ഫൗളുകളുടെ കാര്യത്തിലും രണ്ടാംസ്ഥാനക്കാർ. ജംഷഡ്പൂരിനൊപ്പം 152 ഫൗളുകൾ തീർത്ത ബ്ലാസ്റ്റേഴ്‌സ് താരങ്ങൾ രണ്ട് ചുവപ്പ് കാർഡും 25 മഞ്ഞ കാർഡും നേടി.

1: നോർത്ത് ഈസ്റ്റ് എഫ്‌സി 

170 ഫൗളുമായി ഫൗളുകളുടെ എണ്ണത്തിൽ വലിയൊരു ലീഡാണ് നോർത്ത് ഈസ്റ്റ് പുലർത്തുന്നത്. ഇതുവരെ ചുവപ്പ് കാർഡ് ഒന്നും നേടിയിട്ടില്ലെങ്കിലും 21 മഞ്ഞ കാർഡുകളാണ് നോർത്ത് ഈസ്റ്റിന്റെ ഇതുവരെയുള്ള സമ്പാദ്യം.