വില്യംസൺ ഇരട്ടശതകം; ക്ലാസും മാസും ചേർന്ന നായകന്റെ ഇന്നിങ്സ്

വെസ്റ്റ് ഇന്‍ഡീസിനെതിരായ ഒന്നാം ക്രിക്കറ്റ് ടെസ്റ്റില്‍ ന്യൂസിലാൻഡ് നായകൻ കെയിൻ വില്യംസണ് തകർപ്പൻ ഇരട്ടസെഞ്ച്വറി. ആദ്യം ബാറ്റ് ചെയ്ത ന്യൂസീലന്‍ഡ് ഒന്നാം ഇന്നിങ്‌സ് 7 വിക്കറ്റ് നഷ്ടത്തില്‍ 519 എന്ന നിലയില്‍ ഡിക്ലയര്‍ ചെയ്യുകയായിരുന്നു. ഇരട്ട സെഞ്ച്വറി നേടിയ കെയ്ന്‍ വില്യംസണിന്റെ (251) ബാറ്റിങ്ങാണ് ന്യൂസീലന്‍ഡിന് വമ്പന്‍ സ്‌കോര്‍ സമ്മാനിച്ചത്. 

രണ്ടാം വിക്കറ്റില്‍ ഒത്തുചേര്‍ന്ന ടോം ലാതവും (86) നായകന്‍ വില്യംസണും ചേര്‍ന്ന് കിവീസിന് അടിത്തറ പാകി. 412 പന്തുകള്‍ നേരിട്ട് 34 ഫോറും 2 സിക്‌സും ഉള്‍പ്പെടെയായിരുന്നു വില്യംസണിന്റെ പ്രകടനം.

വില്യംസണിന്റെ ഇരട്ടസെഞ്ച്വറിപ്രകടനം ചിത്രങ്ങളിലൂടെ കാണാം.