പൊതുവേ, സൗത്തിന്ത്യന്‍ സിനിമകള്‍ക്ക് ഹിന്ദിയിലും നല്ല മാര്‍ക്കറ്റാണ്. അടുത്തിടെയാണ് അര്‍ജുന്‍ റെഡ്ഢി എന്ന സൂപ്പര്‍ ഹിറ്റ് സിനിമയുടെ ഹിന്ദി പതിപ്പായ കബീര്‍ സിങ് റിലീസായതും ബോളിവുഡിലെ ഈ വര്‍ഷം ഏറ്റവും കൂടുതല്‍ കളക്ഷന്‍ നേടിയ ചിത്രങ്ങളിലൊന്നായതും. ഷാഹിദ് കപൂറായിരുന്നു ചിത്രത്തിലെ നായകന്‍. ഇതിനു മുമ്പും ഗജിനി, പോക്കിരി പോലുള്ള തമിഴ് ചിത്രങ്ങള്‍ ഹിന്ദിയില്‍ റീമേക്ക് ചെയ്യപ്പെടുകയും അതാത് വര്‍ഷത്തെ ബ്ലോക്ക് ബസ്റ്ററുകളാവുകയും ചെയ്തിരുന്നു.
180 കോടി മുടക്കി ഒരുക്കിയ ബിഗില്‍ ഒക്ടോബര്‍ 25നാണ് തീയേറ്ററുകളിലെത്തിയത്. കഴിഞ്ഞ ദിവസം തീയേറ്ററുകളില്‍ നിന്നായി 200 കോടി ക്ലബില്‍ കയറിയ ചിത്രമായി മാറിയിരുന്നു ബിഗില്‍. ട്വിറ്ററില്‍ #BigilHits200CRs എന്ന രൂപത്തില്‍ ബിഗിലിന്റെ 200 കോടി ക്ലബിലേക്കുള്ള പ്രവേശനത്തെ ആരാധകര്‍ ആഘോഷിച്ചിരുന്നു. ഇതിനൊപ്പം തന്നെ ഈജിപ്തില്‍ റിലീസ് ചെയ്യാനൊരുങ്ങുന്ന ആദ്യ തമിഴ് പടമെന്ന റെക്കോര്‍ഡും ബിഗില്‍ സ്വന്തമാക്കി.