'അനുഗ്രഹം പോലെ അവള്‍ ഞങ്ങളുടെ ജീവിതത്തിലേക്ക് വന്നു'; നാല് വയസുകാരിയെ ദത്തെടുത്ത് മന്ദിരാ ബേദി

ബോളിവുഡിലെ നടിയും മോഡലും അവതാരകയുമാണ് മന്ദിരാ ബേദി. ചലച്ചിത്ര സംവിധായകനായ  രാജ് കുശലാണ്  മന്ദിരയുടെ ഭർത്താവ്. ഇരുവരും ചേർന്നൊരു പെൺകുഞ്ഞിനെ ദത്തെടുത്തു. ജൂലൈയിലാണ് കുട്ടിയെ ഇവർ  ദത്തെടുത്തത്.  കഴിഞ്ഞ ദിവസമാണ് ഈ വിവരം  മന്ദിര സമൂഹ മാധ്യമങ്ങളിലൂടെ  അറിയിച്ചത്. മന്ദിരയ്ക്കും രാജിനും ഒരു മകനുണ്ട്.

ഇവർ നാല് പേരുമൊന്നിച്ചുള്ള  ചിത്രവും ഇന്‍സ്റ്റഗ്രാമില്‍ മന്ദിര പോസ്റ്റ് ചെയ്തിട്ടുണ്ട്. ഒരു വലിയ അനുഗ്രഹം പോലെ അവള്‍  തങ്ങളുടെ ജീവിതത്തിലേക്ക് വന്നു എന്നാണ്  മന്ദിര ചിത്രത്തിനൊപ്പം കുറിച്ചത്.  തങ്ങളുടെ കുഞ്ഞു മകളാണ്  നാല് വയസുകാരി താരയെന്നും മകൻ  വീറിന്‍റെ  അനുജത്തിയാണ്  താരയെന്നും മന്ദിര കുറിച്ചു.  2020 ജൂലൈ 28 മുതല്‍  താര തങ്ങളുടെ കുടുംബത്തിന്‍റെ ഭാഗമാണെന്നും  മന്ദിര എഴുതി.

A post shared by Mandira Bedi (@mandirabedi) on Oct 25, 2020 at 6:08am PDT

ബോളിവുഡിൽ  നിന്നും നിരവധി അഭിനേതാക്കൾ കുട്ടികളെ ദത്ത് എടുത്തിട്ടുണ്ട്. നടി  സണ്ണി ലിയോൺ  രണ്ട് വയസ്സുള്ള പെൺകുട്ടിയെ ദത്ത് എടുത്തത് ഏറെ വാർത്താ ശ്രദ്ധ നേടിയിരുന്നു. നിഷാ വെബ്ബർ കോർ എന്നാണ് ആ കുട്ടിക്ക്  പേരിട്ടിരിക്കുന്നത്. 11 കുടുംബങ്ങൾ നിരസിച്ച കുഞ്ഞിനെയാണ് യാതൊരു മുൻവിധിയും കൂടാതെ സണ്ണിലിയോണും ഭർത്താവും ചേർന്ന് മകളായി സ്വീകരിച്ചത്. നിറവും കുടുംബപശ്ചാത്തലവും ആരോഗ്യവും ഒന്നും പ്രശ്നമാക്കാതെയാണ്  രണ്ട്  വയസ്സുള്ള ആ കുഞ്ഞിനെ അവർ ദത്തെടുത്തത്.