ടെസ്റ്റിന്റെ ആദ്യദിനം ബാറ്റിങ് തകര്‍ച്ച നേരിട്ട ഇന്ത്യയെ രഹാനെയും പന്തും ചേര്‍ന്ന് കളിയിലേക്കു തിരികെ കൊണ്ടു വരാന്‍ ശ്രമിച്ചു കൊണ്ടിരിക്കെയായിരുന്നു പന്തിന്റെ പുറത്താവല്‍. പന്തിന്റെ ഔട്ടാവലോടെ വീണ്ടും പത്തി മടക്കിയ ഇന്ത്യൻ ടീം ഒന്നാമിന്നിങ്‌സിൽ 165 റണ്‍സ് ഓൾ ഔട്ടാവുകയും ചെയ്തു.
മത്സരത്തിന്റെ 59ാം ഓവറിലെ രണ്ടാമത്തെ ബോളിലായിരുന്നു പന്ത് റണ്ണൗട്ടായത്. സര്‍ക്കിളിനകത്തു തന്നെ ഷോട്ട് കളിച്ച ശേഷം ക്രീസിന്റെ മറുവശത്തേക്ക് സിംഗിളിനായി രഹാനെ ഓടിയപ്പോള്‍ പന്ത് അൽപം വൈകിയാണ് പ്രതികരിച്ചത്. സിംഗിള്‍ പൂര്‍ത്തിയാക്കാന്‍ ക്രീസിന്റെ മറു വശത്തേക്ക് ഓടിയപ്പോഴേക്കും റണ്ണൗട്ടാവുകയായിരുന്നു. രഹാനെയോട് രോഷം പ്രകടിപ്പിച്ച് നിരാശനായാണ് പന്ത് തുടര്‍ന്ന് ക്രീസ് വിട്ടത്.
രഹാനെയില്‍ വിശ്വാസമര്‍പ്പിച്ച് പന്ത് സിംഗിളിനു വേണ്ടി ഓടുകയായിരുന്നു ചെയ്യേണ്ടിയിരുന്നത്. നോണ്‍ സ്‌ട്രൈക്കര്‍ക്കു വിശ്വസിക്കാവുന്ന ബാറ്റ്‌സ്മാന്‍മാരില്‍ ഒരാളാണ് രഹാനെ. ഈ റണ്ണൗട്ടിൽ മഞ്ജരേക്കർ പറയുന്നതിങ്ങനെ. ഇതിനെത്തുടർന്ന് മഞ്ജരേക്കറിനേയും ട്രോളിക്കൊണ്ട് ആരാധകർ രംഗത്തെത്തിയിട്ടുണ്ട്.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!