കോഹ്ലിക്ക് പകരം ഇന്ത്യൻ ടീമിന്റെ ക്യാപ്റ്റനാവാൻ പോവുന്ന രഹാനെയുടെ നായകപാടവം ഇങ്ങനെയാണ്

ഭാ​ര്യയുടെ പ്രസവവുമായി ബന്ധപ്പെട്ട് നാട്ടിലേക്ക് തിരിച്ച ക്യാപ്റ്റൻ വിരാട് കോഹ്ലിക്ക് പകരക്കാരനായി ബോക്സിങ് ഡേ ടെസ്റ്റിൽ അജിങ്ക്യ രഹാനെയാണ് ഇന്ത്യൻ ടീമിനെ നയിക്കാൻ പോവുന്നത്.  വലിയ വെല്ലുവിളികളാണ് രഹാനെക്ക് മുന്നിലുള്ളത്. ഒന്നാം ടെസ്റ്റിലെ ദയനീയ തോൽവിയിൽ നിന്ന് ടീമിന് തിരിച്ചുവരേണ്ടതുണ്ട്. കോഹ്ലിക്ക് പുറമേ വിശ്വസ്തനായ പേസർ മുഹമ്മദ് ഷമിയും പരിക്ക് മൂലം പിൻമാറി. 

എങ്കിലും ക്യാപ്റ്റൻസിയിൽ അത്ഭുതം കാട്ടിയ താരം കൂടിയാണ് രഹാനെ. ടെസ്റ്റിൽ ഇത് വരെ രണ്ട് മത്സരങ്ങളിലാണ് രഹാനെ ഇന്ത്യയെ നയിച്ചിട്ടുള്ളത്. ആസ്ട്രേലിയക്കെതിരെയായിരുന്നു രഹാനെയുടെ ടെസ്റ്റ് ക്യാപ്റ്റൻസി അരങ്ങേറ്റം. ധരംശാലയിൽ നടന്ന മത്സരത്തിൽ ഓൾറൌണ്ടർ രവീന്ദ്ര ജഡേജയുടെ പ്രകടനം വഴി ഇന്ത്യ വിജയിക്കുകയും ചെയ്തിട്ടുണ്ട്. 

2018ൽ അഫ്ഗാനിസ്ഥാനെതിരെയാണ് പിന്നീട് രഹാനെ ടീമിനെ നയിച്ചത്. ബെംഗളൂരുവിൽ നടന്ന മത്സരത്തിൽ ഒരിന്നിങ്സിനും 262 റൺസിനുമായിരുന്നു വിജയം. ടി20യിലും രണ്ട് മത്സരങ്ങളിൽ അദ്ദേഹം ടീമിനെ നയിച്ചിട്ടുണ്ട്.