'മനുഷ്യൻ മനുഷ്യനിൽ നിന്നും അകലം പാലിക്കണം എന്ന് ലോകം പറയേണ്ടി വന്ന അപൂർവ സാഹചര്യം';രമേഷ് പിഷാരടി

ലോക ജനതയോടൊപ്പം നമ്മളും അതിജീവനത്തിന്റെ പോരാട്ടത്തിലാണെന്നാണ്  നടൻ  രമേഷ്  പിഷാരടി കുറിച്ചിരിക്കുന്നത്.മുൻപ് അനുഭവിച്ചോ പരിചയിച്ചോ ശീലിക്കാത്ത ഈ അവസ്ഥയെ  ഒറ്റക്കെട്ടായ്  നിന്ന് തരണം ചെയ്യണം എന്ന്  അദ്ദേഹം പറഞ്ഞു. കൊറോണ പടരുന്ന സാഹചര്യത്തിൽ നിരുത്തരവാദിത്വപരമായുള്ള ഓരോ പ്രവൃത്തിയും ചുറ്റുമുള്ളവരെ സാരമായ് തന്നെ ബാധിക്കും.
പൗരബോധത്തോടെയുള്ള പെരുമാറ്റമാണ് ഓരോരുത്തരിൽ നിന്നും പ്രതീക്ഷിക്കുന്നതെന്നും പിഷാരടി കുറിച്ചു.

നിരവധി താരങ്ങളാണ് കൊറോണ വൈറസ് വ്യാപനത്തിന്റെ  അവബോധനവും ഈ സമയം നിറവേറ്റണ്ട പ്രതിരോധ മുറകളെ കുറിച്ചും സമൂഹമാധ്യമങ്ങളിൽ പോസ്റ്റ് ചെയ്തുകൊണ്ടിരിക്കുന്നത്.
വിദേശ യാത്ര കഴിഞ്ഞു വന്ന പല താരങ്ങളും സെൽഫ് ക്വാറന്റൈനിലാണ്. പ്രധാനമന്ത്രി  ആഹ്വാനം ചെയ്ത  ജനതാ കർഫ്യുവിനെ  പിന്തുണച്ചു കൊണ്ടും കലാകായിക രംഗത്തുള്ള നിരവധി ആളുകളാണ് മുന്നോട്ട് വന്നത്.
 
രമേഷ് പിഷാരടിയുടെ കുറിപ്പിന്റെ പൂർണ രൂപം:

മനുഷ്യൻ മനുഷ്യനിൽ നിന്നും അകലം പാലിക്കണം എന്ന് ലോകം പറയേണ്ടി വന്ന അപൂർവ സാഹചര്യം...
അതുകൊണ്ട് തന്നെ  മനസുകൾ തമ്മിലുള്ള അകലം ഈ അവസരത്തിൽ കുറയണം..
ജാതി ,മതം ,ദേശം ,രാഷ്ട്രീയം ;
ഇതിനുമെല്ലാം അപ്പുറം ; “മനുഷ്യൻ”മാനദണ്ഡമാവണം .
ലോകജനതയോടൊപ്പം നമ്മളും അതിജീവനത്തിന്റെ പോരാട്ടത്തിലാണ്
പ്രതിരോധമാണ് പ്രതിവിധി
ആരോഗ്യരംഗത്ത് പ്രവർത്തിക്കുന്നവർ,
പൊലീസ് , സൈനിക വിഭാഗങ്ങങ്ങൾ
സന്നദ്ധ സംഘടനകൾ,
സർവോപരി സർക്കാരുകൾ
അവരുടെ കൂട്ടായ പ്രവർത്തനങ്ങൾ വിജയിക്കുവാൻ നമ്മുടെ സഹകരണം കൂടിയേ തീരൂ... മുൻപ് അനുഭവിച്ചോ പരിചയിച്ചോ ശീലമില്ലാത്ത ഒരു സാമൂഹിക സ്ഥിതി.
നമ്മുടെ നാട്ടിൽ ഇത് മൂന്നാം ഘട്ടത്തിൽ എത്തിയിരിക്കുകയാണ്
അപകടകരമായ ഈ അവസ്ഥയിൽ പൗരബോധത്തോടെയുള്ള ഗൗരവമായ സമീപനം നാം ഓരോരുത്തരിലും നിന്നും ഉണ്ടാവണം
നിരുത്തരവാദിത്വപരമായ ചെറിയ ഒരു പെരുമാറ്റം പോലും നമുക്കും നമുക്ക് ചുറ്റുമുള്ളവർക്കും ദോഷമായി ഭവിച്ചേക്കാം സ്വയം സുരക്ഷിതരാവുക അത് വഴി സമൂഹത്തെ സുരക്ഷിതമാക്കുക.