ഓണ്‍ലൈന്‍ നിക്കാഹ് ഇസ്ലാമിക നിബന്ധനകള്‍ പാലിക്കാത്തത്, അപ്പപ്പോള്‍ തോന്നുന്ന രീതിയെ ആദര്‍ശവത്കരിക്കരുതെന്ന് സമസ്ത
ഇസ്ലാമില്‍ നിക്കാഹ് പവിത്രമാണ്. വരനും വധുവിന്റെ രക്ഷിതാവും രണ്ടുസാക്ഷികളും പരസ്പരം കാണുകയും കേള്‍ക്കുകയും ചെയ്യും വിധം നിഷേധിക്കാന്‍ പറ്റാത്ത രൂപത്തില്‍ ഒരേയിടത്ത് ഒരുമിച്ചിരുന്ന് നിക്കാഹിന്റെ പ്രധാന വചനങ്ങള്‍ പറയണമെന്നത് വളരെ പ്രധാനമാണ്.
ഓണ്‍ലൈന്‍ വഴിയുളള നിക്കാഹ് ഇസ്ലാമിക നിബന്ധനകള്‍ പാലിക്കാത്തത് കൊണ്ട് സാധുവാകില്ലെന്ന് സമസ്ത കേരള ജംഇയ്യത്തുല്‍ ഉലമ മുശാവറ. സമസ്ത കൂടിയാലോചന സമിതിയിലേക്ക് വന്ന ചോദ്യത്തിനുളള മറുപടിയിലാണ് ഇത് വ്യക്തമാക്കിയത്. ഇസ്ലാമില്‍ നിക്കാഹ് പവിത്രമാണ്. വരനും വധുവിന്റെ രക്ഷിതാവും രണ്ടുസാക്ഷികളും പരസ്പരം കാണുകയും കേള്‍ക്കുകയും ചെയ്യും വിധം നിഷേധിക്കാന്‍ പറ്റാത്ത രൂപത്തില്‍ ഒരേയിടത്ത് ഒരുമിച്ചിരുന്ന് നിക്കാഹിന്റെ പ്രധാന വചനങ്ങള്‍ പറയണമെന്നത് വളരെ പ്രധാനമാണ്.
വരനും വധുവിന്റെ രക്ഷിതാവിനും അസൗകര്യമെങ്കില്‍ വിശ്വസ്തനായ ഒരാളെ ചുമതലപ്പെടുത്താം. ഇതിന് പകരം അപ്പപ്പോള്‍ തോന്നുന്ന രീതിയെ ആദര്‍ശവത്കരിക്കുന്നത് ആര്‍ക്കും ആശാസ്യമായ നിലപാടല്ലെന്നാണ് സമസ്ത അറിയിച്ചത്. കൊവിഡ് പശ്ചാത്തലത്തില്‍ വിദേശത്ത് അടക്കം നിരവധി പേര്‍ കുടുങ്ങി കിടന്ന സാഹചര്യത്തില്‍ വിവിധ ജാതിമതസ്ഥര്‍ ഓണ്‍ലൈന്‍ വിവാഹങ്ങള്‍ നടത്തിയത് നേരത്തെ വാര്‍ത്തായിരുന്നു.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!