ബല്‍വിന്ദറിനെ നാട്ടുകാരും പൊലീസും വിളിച്ചിരുന്നത് 'കോമ്രേഡ്' എന്ന സംബോധനയോടെ മാത്രം. 42 തവണ ബല്‍വിന്ദറിനും കുടുംബത്തിനും നേരെ ആക്രമണമുണ്ടായി. 1990ല്‍ സെപ്തംബര്‍ 30ന് അതില്‍ ഏറ്റവും ഭീകരമായ ആക്രമണത്തെ അതിജീവിച്ചു. 200 ലേറെ തീവ്രവാദികള്‍ അന്ന് അദ്ദേഹത്തിന്റെ വീടാക്രമിച്ചു. അഞ്ച് മണിക്കൂറിലേറെ നേരിട്ടുള്ള ഏറ്റുമുട്ടലായിരുന്നു. സര്‍ക്കാര്‍ നല്‍കിയ പിസ്റ്റളും സറ്റണ്‍ ഗണും ഉപയോഗിച്ച് സന്ധു സഹോദരങ്ങളും ഭാര്യമാരും തീവ്രവാദികളെ നേരിട്ടു. അസാധാരണമായ ചെറുത്തിനില്‍പ്പിലൂടെ അതിജീവിച്ചു. ഇതിന് രാജ്യം 1993ല്‍ ശൗര്യചക്ര പുരസ്‌കാരം നല്‍കി ആ ധീരതയെ ആദരിച്ചു. അതിന് മുമ്പുള്ള 11 മാസത്തിനിടയില്‍ 16 തവണ ബല്‍വിന്ദറിന് നേരെ തീവ്രവാദികളുടെ ആക്രമണം ഉണ്ടായതായി ശൗര്യചക്ര പുരസ്‌കാരത്തിനൊപ്പം നല്‍കിയ താമ്രപത്രത്തില്‍ സര്‍ക്കാര്‍ ഔദ്യോഗികമായി രേഖപ്പെടുത്തി. ബല്‍വിന്ദറും ഭാര്യ ജഗദീഷ് കൗര്‍, സഹോദരന്‍ രണ്‍ജിത് സിങ് സന്ധു, ഭാര്യ ബല്‍രാജ് കൗര്‍ എന്നിവര്‍ ചേര്‍ന്ന് അതെല്ലാം അതിജീവിച്ചു എന്ന് അതില്‍ വ്യക്തമാക്കുന്നു. അന്നത്തെ രാഷ്ട്രപതി ശങ്കര്‍ദയാല്‍ ശര്‍മയില്‍നിന്നായിരുന്നു ആദരം ഏറ്റുവാങ്ങിയത്.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!