സാമൂഹിക അകലം, കൗമാരക്കാരുടെ മാനസികാരോഗ്യത്തെ ബാധിച്ചേക്കാമെന്ന് വിദഗ്ധർ

കൊറോണ വൈറസ് മൂലമുള്ള കൊവിഡ് 19 മഹാമാരി പടരുന്നത് തടയാനുള്ള സാമൂഹിക അകലം പാലിക്കൽ കൗമാരക്കാരിൽ മാനസിക പ്രശ്നങ്ങൾ സൃഷ്ടിക്കുമെന്ന് പഠനം. മുഖത്തോട് മുഖം കാണുന്നതും ഇടപെടുന്നതും കുറയുന്നത് കൗമരാക്കാരുടെ മാനസിക ആരോഗ്യത്തിനും വളർച്ചയ്ക്കും ദോഷകരമാകുമെന്ന് ഗവേഷകർ അഭിപ്രായപ്പെടുന്നു. സാമൂഹിക അകലം പാലിക്കുന്നത് തുടരുന്ന സാഹചര്യത്തിൽ സർക്കാരുകൾ ഈ വിഷയം നിരീക്ഷിച്ച് തീരുമാനമെടുക്കണമെന്ന് ഗവേഷകർ എഴുതിയ ലേഖനത്തിൽ ചൂണ്ടിക്കാണിക്കുന്നു

ലാൻസെറ്റ്  ചൈൽഡ് ആൻഡ് അഡോളസെന്റ് ജേണലിൽ എഴുതിയ ലേഖനത്തിലാണ് ഗവേഷകർ ഇക്കാര്യം പറയുന്നത് . 10 നും 24 നും ഇടയിലുള്ള പ്രായത്തിൽ തങ്ങളുടെ അതേ പ്രായക്കാരുമായുള്ള ഇടപെടൽ അവരുടെ തലച്ചോറിന്റെ വികാസത്തിനും സ്വയം കണ്ടെത്തിലിനുമൊക്കെയുള്ള പ്രധാന കാര്യമാണെന്ന് ലേഖകർ പറയുന്നു.  ഈ പ്രായത്തിൽ  സാമൂഹിക സമ്പർക്കം കുറയുന്നത് ഭാവിയിൽ ദോഷം ചെയ്യുമെന്ന് മുൻകാല പഠനങ്ങൾ പറയുന്നുണ്ടെന്നും അവർ ചൂണ്ടിക്കാണിക്കുന്നുവെന്നും ബ്ലൂംബർഗ് റിപ്പോർട്ട് ചെയ്യുന്നു.

ലോകമൊട്ടാകെ കോടിക്കണക്കിന് മനുഷ്യരാണ് കൊറോണ വൈറസ് വ്യാപിക്കുന്നതിന് തടയുന്നതിന് ലോകമൊട്ടാകെ മനുഷ്യർ സ്വയം മറ്റുള്ളവരിൽ നിന്നും അകലം പാലിച്ചത്.  ലോകമൊട്ടാകെ നാല് ലക്ഷത്തിലേറെ പേർ കൊവിഡ് 19 മൂലം മരണമടഞ്ഞു കഴിഞ്ഞു. ലോക്ക് ഡൗണിലൂടെ  ആരോഗ്യ രംഗത്തെ ആഘാതത്തെ കുറയ്ക്കാൻ സർക്കാരുകൾ ശ്രമിക്കുന്നു.

ശാരീരിക അകലം പാലിക്കൽ നടപടികൾ താൽക്കാലികമാ ണെങ്കിലും, നിരവധി മാസങ്ങൾ എന്നത്  യുവതലമുറയിൽപ്പെട്ട ഒരു വ്യക്തിയുടെ  ജീവിതത്തിന്റെ വലിയൊരു ഭാഗമാണെന്ന്  ഗവേഷക സംഘത്തിൽ ഉൾപ്പെട്ട കേംബ്രിഡ്ജ് സർവകലാശാലയുടെ മനഃശാസ്ത്ര വകുപ്പിലെ  സാറാ-ജെയ്‌ൻ ബ്ലാക്ക്‌മോർ പറഞ്ഞു.

മാതാപിതാക്കൾ, സഹോദരങ്ങൾ, ബന്ധുക്കൾ, വീട്ടിലെ ജോലിക്കാർ  എന്നിവരുടമായി നല്ല ബന്ധമുള്ള ഒരു കുടുംബാന്തരീക്ഷത്തിൽ ജീവിക്കുന്ന ചെറുപ്പക്കാരെ ഇത് ഇല്ലായെന്ന് പറയാവുന്നവിധം നേരിയ തോതിൽ മാത്രമേ ബാധിക്കാനേസാധ്യതയുള്ളൂവെന്ന്  സഹഗവേഷകനും മസാച്ചുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജിയെ ലിവിയ ടൊമോവ പറഞ്ഞു.

സാമൂഹിക അകലം പാലിക്കുമ്പോഴുള്ള ഡിജിറ്റലായുള്ള ബന്ധങ്ങൾ ചില ദോഷഫലങ്ങൾ ലഘൂകരിക്കാൻ സഹായിക്കുമോ എന്നതിനെക്കുറിച്ച് കൂടുതൽ ഗവേഷണം ആവശ്യമാണെന്നും അവർ പറയുന്നു.