'ഞാനുമായും ജനഗണമനയുടെ അണിയറപ്രവർത്തകരുമായും സമ്പർക്കത്തിൽ വന്നവർ നിർബന്ധിത ക്വാറന്റൈനില്‍ പോകണം'; സുരാജ് വെഞ്ഞാറമ്മൂട്
ഷൂട്ടിങ് നടന്നപ്പോൾ ഭാഗമായത് കൊണ്ടും ജനഗണമനയുടെ ടീമുമായി സമ്പര്‍ക്കം ഉള്ളത് കൊണ്ടും താന്‍ സ്വയം ക്വാറന്റൈനില്‍ പ്രവേശിച്ചതായി സുരാജ് വെഞ്ഞാറമ്മൂട് അറിയിച്ചു
'ജനഗണമനയുടെ' സെറ്റിൽ നടൻ പൃഥ്വിരാജിനും സംവിധായകൻ ഡിജോയ്ക്കും കൊവിഡ് സ്ഥീരീകരിച്ച പശ്ചാത്തലത്തില്‍ ലൊക്കേഷനില്‍ ഒപ്പമുണ്ടായിരുന്നവർ ക്വാറന്റൈനില്‍ പ്രവേശിക്കേണ്ട സാഹചര്യമാണ് ഉള്ളത്. അവരുമായി സമ്പര്‍ക്കം പുലര്‍ത്തിയ സുരാജ് വെഞ്ഞാറമ്മൂടും ക്വാറന്റൈനില്‍ പ്രവേശിച്ചിരിക്കുകയാണ്. ഷൂട്ടിങ് നടന്നപ്പോൾ ഭാഗമായത് കൊണ്ടും അവരുമായി സമ്പര്‍ക്കം ഉള്ളത് കൊണ്ടും താന്‍ സ്വയം ക്വാറന്റൈനില്‍ പ്രവേശിച്ചതായി സുരാജ് വെഞ്ഞാറമ്മൂട് അറിയിച്ചു. താനുമായും ജനഗണമനയുടെ അണിയറപ്രവർത്തകരുമായും സമ്പർക്കത്തിൽ വന്നവർ നിർബന്ധിത ക്വാറന്റൈനില്‍ പോകണമെന്നും അദ്ദേഹം ഫേസ്ബുക്കിലൂടെ അഭ്യർത്ഥിച്ചു.
സുരാജ് വെഞ്ഞാറമൂടിന്റെ ഫേസ്ബുക്ക് പോസ്റ്റിന്റെ പൂർണ രൂപം:
പ്രിയരേ , ജനഗണ മനയുടെ ഷൂട്ടിങ് നടക്കുന്ന വേളയില്‍ രാജുവിനും സംവിധായകന്‍ ഡിജോ ജോസ് ആന്റണിക്കും കോവിഡ് പോസിറ്റീവ് ആയ വിവരം നിങ്ങള്‍ എല്ലാവരും അറിഞ്ഞിരിക്കുമല്ലോ..ഷൂട്ടിങ്ങ് നടന്ന വേളയില്‍ ആ ചിത്രത്തിന്റെ ഭാഗമായത് കൊണ്ടും അവരുമായി സമ്പര്‍ക്കം ഉള്ളത് കൊണ്ടും ഞാന്‍ സ്വയം Quarantine നില്‍ പ്രവേശിച്ചിരിക്കുയാണ് , ആയതിനാല്‍ ഈ കഴിഞ്ഞ ദിവസങ്ങളില്‍ ഞാനുമായും ജനഗണമന യുടെ അണിയറപ്രവര്‍ത്തകരുമായും സമ്പര്‍ക്കം വന്നവര്‍ നിര്‍ബന്ധിത Quarantine നില്‍ പോവണമെന്നും എന്തെങ്കിലും ലക്ഷണങ്ങള്‍ ഉള്ളവര്‍ എത്രയും പെട്ടന്ന് ടെസ്റ്റ് ചെയ്യണമെന്നും അറിയിക്കുന്നു...
എന്ന് നിങ്ങളുടെ സ്വന്തം
സുരാജ് വെഞ്ഞാറമൂട്
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!