വീട്ടു തടങ്കലിലാണ്; അമിത് ഷാ പറയുന്നത് കള്ളം

കശ്മീരിന് പ്രത്യേക പദവി നല്‍കുന്ന 'സെക്ഷന്‍ 370' റദ്ദാക്കുന്നത് സംബന്ധിച്ച് ചര്‍ച്ചയ്ക്കിടെ  ലോക്‌സഭാ അംഗവും മുന്‍ ജമ്മു കശ്മീരിലെ മുന്‍ മുഖ്യമന്ത്രിയുമായ ഫാറൂഖ് അബ്ദുല്ലയുടെ വീട്ടുതടങ്കലിനെ ചര്‍ച്ചയ്ക്കിടെ പ്രതിപക്ഷ അംഗങ്ങള്‍ ചോദ്യം ചെയ്തു. വീട്ടുതടങ്കലില്‍ അല്ല എന്നായിരുന്നു ആഭ്യന്തര മന്ത്രി അമിത്ഷായുടെ വിശദീകരണം.

 'ഫാറൂഖ് അബ്ദുല്ല ഇവിടെയുണ്ട്. അദ്ദേഹത്തെ വീട്ടുതടങ്കലില്‍ ആക്കുകയോ അറസ്റ്റ് ചെയ്യുകയോ ചെയ്തിട്ടില്ല. അദ്ദേഹം വീട്ടിലാണ്. അദ്ദേഹത്തിന് ഇവിടെ വരാന്‍ താല്‍പ്പര്യമില്ല എന്നതാണ് രസകരമായ കാര്യം. എനിക്ക് ഇവിടെ കൈപിടിച്ച് കൊണ്ടുവരാന്‍ കഴിയില്ല.'

മുന്‍ ജമ്മു കശ്മീര്‍ മുഖ്യമന്ത്രിയും ലോക്‌സഭാ അംഗവുമായ ഫാറൂഖ് അബ്ദുല്ലയെ സര്‍ക്കാര്‍ അറസ്റ്റ് ചെയ്തിട്ടില്ലെന്ന് സ്ഥാപിക്കാന്‍ ആഭ്യന്തരമന്ത്രി നല്‍കിയ മറുപടിയായിരുന്നു ഇത്. 

#WATCH: National Conference leader & J&K Former CM Farooq Abdullah: Home Ministry is lying in the Parliament that I'm not house-arrested, that I am staying inside my house at my own will. #Article370 pic.twitter.com/OXzHjEmTnx

— ANI (@ANI) August 6, 2019

ഇതിന് തൊട്ടുപിന്നാലെ ഫാറൂഖ് അബ്ദുല്ല കശ്മീരിലെ തന്റെ വീട്ടില്‍ മാധ്യമ പ്രവര്‍ത്തകരോട് സംസാരിച്ചു. ഇത് ഞാന്‍ വിശ്വസിച്ച ഇന്ത്യയല്ലെന്നും അദ്ദേഹം പറഞ്ഞു. 70 വര്‍ഷത്തിനുശേഷം ഇന്ത്യ കശ്മീരിലെ ജനങ്ങളെ ഒറ്റിക്കൊടുത്തു.

രാജ്യത്തെ ആഭ്യന്തരമന്ത്രി ലോക്സഭയില്‍ നുണ പറഞ്ഞു. പൂര്‍ണ്ണമായും നുണ പറഞ്ഞു. എന്റെ സംസ്ഥാനത്തെ ആളുകള്‍ ജയിലില്‍ കിടക്കുമ്പോള്‍ ഞാന്‍ തന്നെ വീട്ടില്‍ ഇരിക്കും. അവര്‍ കൊല്ലപ്പെടുകയാണ്. ഞങ്ങള്‍ കല്ലുമായി ഓടുന്നില്ല. ഞങ്ങള്‍ ഷൂട്ട് ചെയ്യാന്‍ പോകുന്നില്ല. കേന്ദ്രസര്‍ക്കാര്‍ തെറ്റ് ചെയ്തു. ഞങ്ങള്‍ അതിനെ സുപ്രീം കോടതിയില്‍ ചോദ്യം ചെയ്യും. സമരം ചെയ്യും പോരാടും അവര്‍ക്ക് ഷൂട്ട് ചെയ്യേണ്ടിവന്നാല്‍, മുന്നില്‍ നിന്ന് എന്റെ നെഞ്ചില്‍ വെടിവയ്ക്കുക, എന്റെ പുറകില്‍ ഷൂട്ട് ചെയ്യേണ്ട ആവശ്യമില്ല.