നാട്ടുകാരുടെ എം.കെ.കെ, ഞങ്ങളുടെ എം.ഡി. അങ്കിൾ
എഫ് എ സി ടി (ഫാക്ട് ) എന്ന വ്യവസായ സ്ഥാപനത്തിന്റെ പര്യായമെന്ന പോലെയാണ് എം കെ ക നായർ എന്നപേര്. എഫ് എ സി ടിയുമായി ബന്ധപ്പെട്ട് മാത്രമല്ല, കേരളത്തിലെ കലാ കായിക രംഗമുൾപ്പടെ സാംസ്കാരികമായ ഇടപെടൽ നടത്തുകയും അവയ്ക്കെല്ലാം വളവും വെള്ളവും നൽകി പരിപോഷിപ്പിക്കുകയും ചെയ്ത വ്യക്തിത്വമാണ് എം കെ. കെയുടേത്. വിശാലമായ ഹൃദയത്തിനുടമായിരുന്ന എം കെ കെയുടെ ജന്മശതാബ്ദിയാണ് ഈ വർഷം. 1920 ഡിസംബർ 29 ന് തിരുവനന്തപുരം പാൽക്കുളങ്ങരയിൽ ജനിച്ച എം കെ കെ1987 സെപ്തബർ 27 ന് ഈ ലോകത്തോട് വിടപറഞ്ഞു. അദ്ദേഹത്തിന്റെ സുഹൃത്തും സഹപ്രവർത്തകനും ഐ എ എസ് ഉദ്യോഗസ്ഥനുമായിരുന്ന പരേതനായ എൻ. ഗോപാലകൃഷ്ണൻ നായരുടെ മകനായ ലേഖകൻ എം. കെ കെ യെ ഓർമ്മിക്കുന്നു.
