മലയാളത്തില്‍ പതിഞ്ഞ ഓർഹാൻ പാമുകിന്റെ കയ്യൊപ്പുകള്‍
സദസ്സിന് ചോദ്യങ്ങള്‍ക്കുള്ള അവസരം വന്നപ്പോള്‍ ഒരു മലയാളി ഇങ്ങനെ പറഞ്ഞു: താങ്കളുടെ പുസ്തകങ്ങള്‍ മലയാളം, അറബി, ഇംഗ്ലീഷ് ഭാഷകളില്‍ വായിക്കാന്‍ എനിക്കവസരം ലഭിച്ചിട്ടുണ്ട്: പെട്ടെന്ന് പാമുക് ചോദിച്ചു, ഇതില്‍ ഏതാണ് നിങ്ങള്‍ക്ക് ഏറ്റവും ഇഷ്ടപ്പെട്ടത്? മൂന്നും ഗംഭീരം എന്നായിരുന്നു ചോദ്യകര്‍ത്താവിന്റെ മറുപടി. വിവര്‍ത്തനത്തില്‍ കൂടുതല്‍ ലഭിക്കുന്നത് ഏതു ഭാഷയില്‍ എന്നായിരുന്നു വാസ്തവത്തില്‍ ആ ചോദ്യം എന്നു തോന്നുന്നു. പക്ഷെ എല്ലാം മികച്ചത് എന്ന ഉത്തരം വിവര്‍ത്തനത്തെക്കുറിച്ചുള്ള പാമുക്കിന്റെ സമീപനം എന്തെന്ന് മനസ്സിലാക്കാനുള്ള അവസരം നഷ്ടമാക്കി" അറേബ്യൻ ലോകക്കാഴ്ച പംക്തിയായ "അലിഫി"ൽ വി. മുസഫർ അഹമ്മദ് എഴുതുന്നു.
