ബൂസ്റ്റര്‍3: ധനമന്ത്രി മാന്ദ്യം തുഴയുന്നു; അഞ്ച് ട്രില്യണിലേക്ക്
നിര്‍മല സീതാരാമന് ആദ്യ ബജറ്റ് അവതരിപ്പിച്ച് രണ്ടുമാസമേ വേണ്ടിവന്നുള്ളൂ രാജ്യത്തെ മാന്ദ്യ തീവ്രത പുറത്തേക്ക് വരാന്‍. എത്ര ശ്രമിച്ചാലും മൂടിവെക്കാന്‍ കഴിയാത്ത വിധം ഭീതിതമാണ് നിലവിലെ സമ്പദ് ഘടന. മാന്ദ്യമുണ്ടെന്ന് പറയാതെ തന്നെ ഒടുവില്‍ ധനമന്ത്രി നിര്‍മല സീതാരാമന് അത് സമ്മതിക്കേണ്ടിവന്നിരിക്കുന്നു. ഒരു മാസത്തിനിടെ സമ്പദ് വ്യവസ്ഥയെ ഉണര്‍ത്താനായി മൂന്നാം പാക്കേജിന് ധനമന്ത്രി തുനിയേണ്ടിവന്നത് ഒരു കുറ്റസമ്മതം കൂടിയാണ്.
